دارایی هەرێم کوردستان خشتەی خەرجکردن مووچە بڵاو کەێد (بەڵگەنامە)
شەفەق نیوز/ وەزارەت دارایی و ئابووری لە حکومەت هەرێم کوردستان، ئمڕوو پەنجشەممە، خشتەی بەشەوکردن مووچەی فەرمانبەرەیل هەرێم ئەرا مانگ ئادار بڵاو کرد.
وەگورەی بەڵگەنامەیگ لەلایەن وەزارەت دارایی و ئابووری ک کەفتە دەس ئاژانس شەفەق نیوز؛ ئەوەسا لە رووژ یەکشمەو (١٠/٤/٢٠٢٢) گشت مووچەی فەرمانبەرەیل هەرێم کوردستان بەشەو کریەێد، ک لە وەزارەت تەندروسی دەسوەپی کەێد.
وەگورەی خشتەگە، بەشەوکردنەگە لە رووژەیل سێشەممە و چچوارشەممە و پەنجشەممە ٢٥/٢٦/٢٧-٤-٢٠٢٢ تەوا بوود، ک ئەرا سەرۆکایەتی هەرێم، سەرۆکایەتی ئەنجومەن وەزیرەیل، سەرۆکایەتی پەرلەمان، و خانەنشینەیل پێشمەرگە بوود.
وەرجەیە، دۊکە چوارشەممە، ئەنجومەن وەزیرەیل هەرێم کوردستان، بڕیار دا باجەیل گومرگ لەبان خوەراک تا ماوەی دوو رووژ پۆچەڵ بکەێد، و هەمیش دەسکردن وە خەرج مووچەی فەرمانبەرەیل ئەرا مانگ ئادار راگەیان، ک لە رووژ یەکشەممەی ئایندە دەسوەپی کەێد.
