داد کوردستان: هیزیگ پەنجا کەسی پەلامار وەریەوبەرایەتی عەقاری چەمچەماڵ داگە

وەزارەتەگە لە بەیاننامەیگ وت: لە رووژ سێشەممە، (6/12/2022) ساعەت 1:30 دویای نیمەڕو، هیزیگ نزیکەی پەنجا کەس لەناوی بوی، پەلامار وەریەوبەرایەتی عەقاری لە چەمچەماڵ داگە, و داوا بە وەڕیەوبەر فەرمانگەگە کردیە گشت باوەتەیل ناوچەی قادر کەرەم بەێدە دەسیان، ک شمارەیان لە ٣٥٠ تا ٤٠٠ فایەلە، وەبی هویچ کتاویگ فەەرمی لە دادوەری یا لە هەر لایەنیگ.

بەیاننامەگە وتیش: وەڕیەوبەر فەرمانگەگە داوایان جیوەجی نەکردیە، تا کلیل ژوورەگە بشکێنن و گشت فایەلەیل ماڵدرای ناوچەی قادر کەرەم وەرد دووڵابەگەی بوەن، و سیدی کامیرای چەودیاری وەریەوبەرایەتیەگەیش بردن.

وەزارەتەگە ئی کارە وە پیشیلکاری سەروەری یاسا و دەسدرویژی لەبان سام دامودەزگایل حکومەت هەرێم کوردستان دادە قەڵەم، و  دەسدرویژی ئاشکرایگ لەبان بەڵگەنامە و ماڵدرای خەڵک ناوچەگە.

وتیش: ئیمە وە تونی شەرمەزار و نەفرت ئی پەلامارە لەبان فەرمانگەیل حکومەتی و بەژەوەنی گشتی کەیمن.

وەزارەتەگە داوا لە لایەنەیل فەرمی و دەزگایل ئەمنی ناوچەگە و نویسینگەی بانگەشەکار گشتی کرد وە زووترین وەخت ئاشکرای ناسنامەی ئەو کەسەیلە بکەن ک ئی پەلامارە جیوەجی کردنە، و ریکارەیل یاسایی ئەرا سزادانیان و گلەوداین ئەو فایەلەیلە ئەرا وەریەوبەرایەتی توومارکردن عەقاری چەمچەماڵ.