دادگای هەولێر سزای وەسێدارەدان لەبان ٦ تاوانبار وە کوشتن عەقید هاوکار جاف دەرکەێد
2023-06-04T11:32:26+00:00
شەفەق نیوز/ بنەماڵەی هاوکار جاف عەقید لە دەزگای دژەتیرۆر سەروە یەکێتی نیشتمان کوردستان، ک لە هەولێر کوشیا، راگەیان؛ دادگا لە هەولێر پایتەخت هەرێم کوردستان سزای وەسێدارەدان لەبان شەش کەس دەرکرد دویای تاوانکردنیان وە کەیس کوشتنەگە.
محمد جاف برای عەقید کوشیاگ ئەرا ئاژانس شەفەق نیوز وت: دادگای هەولێر ئمڕوو سزای وەسێدارەدان غیابی لە کەیس کوشتن عەقید هاوکار جاف لەبان شەش کەس دەرکرد ک دەسیان لەناو کوشتنەگە بویە، و دادگا لە کەیس ئەو توومەتبارەیل لە ٨ حوزەیران بڕیار دەێد.
وتیش: ئەو کەسەیلە ک سزا لەبانیان دەرچگە( وەهاب هەڵەبجەیی) سەرۆک دەزگای دژەتیرۆر سەروە یەکێتی، و (کارزان محمد) سەرۆک هەواڵگری دەزگای دژەتیرۆر سەروە یەکێتی، وەگەرد چوار تاوانبار.
عەقید هاوکار جاف لە ٧ تەشرین یەکەم ساڵ ٢٠٢٢ لە شار هەولێر کوشیا، دویای ئەوە ک بومبیگ لکیاگ مەوقەی رانین ماشینەگەی وەگەرد خیزانەگەی وە ماشینەگەی تەقیان.
ئەنجومەن ئاسایش هەرێم کوردستان توومەتبار وەهاب هەڵەبجەیی سەرۆک دەزگای دژەتیرۆر سەروە یەکێتی کرد ک دەسی هاناو کوشتنەگە وەگەرد شمارەیگ لە ئەندامەیل دەزگاگە.
