دادگای هەولێر بڕیارەیلیگ جیاجیا لەبان پەنج توومەتبار وە کوشتن هاوکار جاف دەرکەێد
2023-06-20T13:40:45+00:00
شەفەق نیوز/ دادگای هەولێر، ئمڕوو سێشەممە، فەرمانەیلیگ لەبان پەنج توومەتبارتر دەرکرد، لە باوەت تاوان کوشتن عەقید هاوکار جاف.
سەرچەوەیگ نزیک لە عەقید ئەرا ئاژانس شەفەق نیوز وت: دادگای هەولێر، ئمڕوو فەرمان زیندانیکردن هەمیشەیی لەبان دوو توومەتبار دەرکر، و هەفت ساڵ زیندانیکردن لەبان سێ توومەتبارتر.
لە ٤ حوزەیران گوزەشتە، دادگای هەولێر فەرمان وەسێدارەدان غەیابی لەبان شەش توومەتبار لە تاوان کوشتن عەقید هاوکار جاف دەرکرد، لەناویان وەهاب هەڵەبجەیی سەرۆک دەزگای دژەتیرۆر سەروە یەکێتی، وەگەرد شمارەیگ لە گەورە وەرپرسەیل.
عەقید لە دەزگای دژەتیرۆر سەروە یەکێتی نیشتمانی کوردستان، لە ٧ تەشرین یەکەم ٢٠٢٢ لە شار هەولێر، دویای تەقینەوەیگ وە دوو بومب وەقەی ماشینەگەی ک وەگەرد خیزانەگەی لەناوی بوی کوشیا.
