داڵگی وەرد پیاویگتر رفانیەسەی.. پۆلیس هەڵەبجە زاڕوویگ ئەنباری ئەرا باوگی گلەو دەێد
شەفەق نیوز/ وەڕێەوبەرایەتی پۆلیس پارێزگای هەڵەبجە، ئمڕوو پەنجشەممە، راگەیان ئەو زاڕووە ک وەرجە چەن رووژیگ لە قەزای فەلوجە لە پارێزگای ئەنبار رفیا، ک دویای ئەوە لە سەیرانگای ئەحمەد ئاوا پەیا کریا، دریا دەس باوگی، هەنای رەسیە هەرێم کوردستان.
رائد بەرزان عوسمان محمد قسەکەر وەڕیەوبەرایەتیەگە لە کۆنگرەیگ رووژنامەوانی وت: یە چەن رووژیگە خەوەر پەیاکردن ئەو زاڕووە لە سەیرانگای ئەحمەد ئاوا بڵاو بویە، و لە راسی ئی مناڵە داڵگی وەگەرد پیاویگتر لە قەزای فەلوجە بردنەسەی ئەو شوینە، تا پویل لە باوگەگەی بوەن، باوجی دویای ئەوە واز لە مناڵەگە هاوردنە و مەرقەزی کردنە.
وتیش: دویای رەسین ئاگاداری، پۆلیس ئەو مناڵە پەیا کرد، و توەنست وە ماوەی کوڵیگ توومەتبارەیل دەسگیر بکەێد، ودیاری کرد ک دویای ئاگادارکردن باوگ مناڵەگە، هەر وەو شەوە رەسیە هەرێم کوردستان، و ئمڕوو کوڕەگەی دریا دەسی.
رائد عوسمان وتیش: داڵگ مناڵەگە وەئاشکرا وت گرفتەیلیگ خیزانی دیرێد، وەلی هەنای شویەگەی هات، واز لە سکاڵای لەبان ژنەگە هاورد، وتیش: ئیسە سکاڵا تەنیا لەبان ئەو پیاوە توومار کریایە ک وەگەرد ژنەگە بویە.
