دەور ٥٠ گولە لەلیان داگە.. دەسگیرکردن بکووش دوو کەسەگەی هەڵەبجە
2020-12-19T07:12:04+00:00
شەفەق نیوز/ وەڕێۆبەرایەتی پۆلیس پارێزگای هەڵەبجە، ئمڕوو شەممە، راگەیان دەسگیرکردن بکووش دوو کەس، و ئاماژە کرد ک توومەتبارەگە لە کەسوکارەیل یەکیگ لە قوربانیەگانەس.
بەرزان عوسمان قسەکەر وەناو پۆلیسەگە لە پوستیگ نووسان؛ دویای پەیاکردن تەرم دوو کوشیایەگە لەناو ماڵیگ لە گەڕەک شارەوانی لە هەڵەبجە، دەسەیگ لێکۆڵینەوە دروس کریا، و دویای ١٢ ساعەت توومەتبارەگە دەسگیر کریا.
و دیاری کرد ک توومەتبارەگە ئاشکرای جیوەجیکردن تاواتەگەی وە دوو چەک کرد، یەکیگیان کلاشینکۆف بویە و ئەواکە M4 وتیش؛ ٥٠ گولە لەناو دوو چەکەگە بویە و گشتیان تەقانیە وتەنیا یەک گولە هیشتیە.
قسەکەرەگە وتیش؛ توومەتبارەگە زاوای یەکیگ لە قوربانیەگانە ک خوەی بیماری داشتگە و لەناو ماڵ چارەسەری وەرگردیاد، و باس کرد ک هوووکار رووداوەگە لەوەر خوسەیگ لە دڵ تاوانبارەگە لە قوربانیەگە داشتگە.
