د. پشدەر عەبدولا: شەپولیگ تەو و قوتە و هەناس تەنگی لەناو زاڕوویەیل بڵاوبویە

د. پشدەر عەبدوڵا وەڕیوەبەر خەسخانەی د.جەمال ئەحمەد رەشیدی مناڵان لە پۆستیگ لەبان تووڕ کۆمەڵایەتی راگەیاندیە،" لەی وەختە شەپوولیگ تەو و هەناس تەنگی و قوتە لەناو مناڵەیل بڵاوبویە وە تایبەت مناڵەیل خوار دوو ساڵان و بەشیگ لە تویشبویەیل مناڵەیل تازە لەداڵگبوین، بەش هەرە فرەگەیان تویشهاتگ ڤایرۆسن و بەشیگ کەمیگیان تویشهاتگ بەکتریان".

دیاریکرد"ئەگەر حالەتەگان سووک بوین کریەێد هەر لە ماڵ چارەسەر بکریەن، باوجی ئەگەر هەناسیان فرە تەنگ بوی، و شیر خورن یا خواردنیان تەواو نەوی و دەمیان کەوەو بوی، و هووشیان خراو بوی و نیشانەیل هشکەوبوین داشتن و یا ئەڵاوردن داشتن بایەت وە زویترین وەخت سەردان خەسخانە بکەن تا پزیشک پسپۆر چارەسەریان بکەێد".

داوایش کرد " خوەدان دویربگرن لە دەرمان و وەشکین ناپێویست چوینکە هەزار جار رخبەرترە لە خود بیماریەگە ئەگەر پێویست نەود".