دەسدرویژیکردن لەبان خەسەخانەیگ لە هەولێر
![دەسدرویژیکردن لەبان خەسەخانەیگ لە هەولێر](https://media.shafaq.com/media/arcella/1671531549205.jpeg)
سەرچەوەگە ئەرا ئاژانس شەفەق نیوز وت: رویداوەگە دویای نیمەشەو بویە، هەنای چەن کەسیگ پەلامار خەسەخانەی بیماری دڵ لە شار هەولێر دان.
وتیش: ئی پەلامارە دویای مردن یەکیگ لە بیمارەیل لەناو خەسەخانەگە هات لەوەر جەڵتەی دڵی، وتیش: ئەو کەسەیلە دەسدرویژی لەبان فەرمانبەر پرسگەی خەسەخانەگە کردن.
لەلای خوەییش، ئیدارەی خەسەخانەگە ئەرا ئاژانس شەفەق نیوز وت: بیمارەگە دویەشەو هاوریا خەسەخانەگە، دویای تویشهاتنی وە جەڵتەی دڵ، و لەوەر ئەوە گیانی لەدەسدا، ک لەتەمەنی ٤٥ ساڵان بوی، و دووپات کرد ک خەسەخانەگە ئەوەسا لێکۆڵینەوە لە رویداوەگە واز کەێد.