دەسکردن وە هەفتەمین فێستیڤاڵ وەهار لە شار سلێمانی وە بەشداری فراوان ناوخۆیی و ناودەوڵەتی.. وینە
شەفەق نیوز/ ئمڕوو چوارشەممە، لە گۆڕەپان پێشانگای ناودەوڵەتی سلێمانی لە تاسڵوجە، وە بەشداری فراوان کۆمپانیا ناوخۆیی و ناودەوڵەتییەیل، چالاکییەیل هەفتەمین فێستیڤاڵ وەهار دەسوەپی کرد.
پێشانگاگە تا ماوەی 10 رووژ زەقی چوود، دەرفەت سەنین بەرهەمەیل ئەرا هاووڵاتیەیل وە نرخیگ کێبڕکێ دروس کەێد، بە گرنگیدانیگ تایبەت وە کاڵای خۆراکی سەرەتایی.
حەسەن ڕەحیم وەرپرس فێستیڤاڵ وەهار ئەرا ئاژانس شەفەق نیوز ڕاگەیان، پێشانگاگە نزیکەی 150 کۆمپانیای بازرگانی لە هەرێم کوردستان و پارێزگایەیل ترەک عراق گردەو کەێد، جگە لە کۆمپانیا ناودەوڵەتییەیل، یەیش هیلێد بوودە سەکوویگ گرنگ ئابووری کە چالاکی بازرگانی لە ناوچەگە بەرزەو کەێد.
وتیش: پێشانگاگە نوێنەرایەتی دەرفەتیگ خاس کەێد ئەرا هاوڵاتیەیل ئەرا سەنین بەرهەمە سەرەتاییەیل، وەتایبەتی چشتەیل خوەراکی جویر برنج، ئارد، و روین، وە نرخیگ کەمتر لە بازاڕەیل ناوخۆیی، یەیش لەوەر رووشنایی ئەو ئۆفەرە بانگەشەییە کە کۆمپانیا بەشداربویەیل پێشکەشی کەن.
پێشانگاگە ئامانج بەرزکردن چالاکییە بازرگانییەیل و گاڵداین کێبڕکێی ناوەین کۆمپانیایلە، بیجگە لە دابینکردن بژاردەی جویراجویر ئەرا بسینەیل وە کەمکردن نرخ، یەیش بەشدارە لە خاسەوکردن بازاڕ ناوخۆیی و پاڵپشتیکردن ئابووری بازرگانی.
وتیش: بەرهەمەیل هەمەچەشنن و فرەیان پەیوەندی وە ژیان و ژیان رووژانەی هاوڵاتیەیل دیرن، هاتێ وەرجە هاتن مانگ رەمەزان پیرووز دەرفەتیگ بوود، وتیش؛ فێستیڤاڵەگە تا ماوەی 10 روەژ وەردەوام بوود و لە ساعەت 10ی شەوەکی تا 6 ئیوارە دەرەیلی لەڕوی هاوڵاتیەیل وزانە.
فێستیڤاڵ وەهار لە شار سلێمانی یەکیگە لە گرنگترین بوونە بازرگانییە ساڵانەیەیل کە ژینگەیگ کارلیککارانە ناوەین کۆمپانیایل و بسینەیل دروس کەێد، مەزەنە کریەێد لە چەن رووژ ئایندە خواستیگ فراوان وەخوەیەو بوینێد، لەوەر ئەو ئۆفەرە کێبڕکێیەیلە پێشکەشی کەێد.
فێستیڤاڵ ناودەوڵەتی وەهار ساڵانە لە پێشانگای ناودەوڵەتی سلێمانی وەڕیەو چوود، کە بوونەیگ ئابوری دیارە کە رووشنایی خەێدە بان خوەراک و بەرهەمە بازرگانییەیل، پێشانگاگە کۆمپانیا ناوخۆیی و ناودەوڵەتییەیل وەرەو خوەی کیشێد، یەیش ئاڵوگۆڕی بازرگانی وەرەو نوا بەێم و بژاردەی جویراجویر وە نرخیگ کێبڕکێ ئەرا بسینەیل دروس کەێد.
هەرلیوا، ئی فێستیڤاڵە بەشیگە لە تەقەلایل وەردەوامە ئەرا پەرەپیدان کەرت بازرگانی لە هەرێم کوردستان و بەرزکردن ڕۆڵ سلێمانی جویر ناوەندیگ گرنگ ئابووری.
