دەسگردن وەبان 15کگم مادەی هووشبەر و دەسگیرکردن 5 توومەتبار لە سلێمانی
2024-04-22T11:21:49+00:00
شەفەق نیوز/ وەڕێوەبەرایەتی ئاسایش هەرێم کوردستان، ئمڕوو دووشەممە، خەوەردا لە دەسگردن وەبان 15 کگم مادەی هووشبەر دەسگیرکردن پەنج کەس.
قسەکەر فەرمی وەڕێوەبەرایەتیەگە عەقید سەلام عەبدولخالق لەکۆنگرەیگ رووژنامەوانی لە سلێمانی کە ئاژانس شەفەق نیوز ئامادەبوی راگەیان، وە هاوکاری ناوەین وەڕێوەبەرایەتی بەڕەنگاربوین مادەی هووشبەر لە سلێمانی و فەرمانگەی ئاسایش ناو شارەگە دەسگیریا وەبان 15.5كگم مادەی هووشبەر حەشیش ئەرا قاچاخکردن دەێشت وڵاتەگە ئامادەکریابوی.
وتیش، "مادەی هووشبەرەگە لە یەکیگ لە دەروازەیل سنووری هاوردەکریاس لەناو ئامێریگ ئاوگەرمکەر شاریابوی، ووەرد هاتنە ناوی چەودێری کریا تا دەسگیریا وەبانی، و پەنج قاچاخچی دەسگیرکریا وەپای مادەی 25 دژە تیرۆر".
