دەسکردن هەڵمەتیگ نیشتمانی ئەرا چنین نزیکەی نیم مەلیۆن دار لە هەرێم کوردستان
![دەسکردن هەڵمەتیگ نیشتمانی ئەرا چنین نزیکەی نیم مەلیۆن دار لە هەرێم کوردستان](https://media.shafaq.com/media/arcella/1660481153212.jpg)
شەفەق نیوز/ بێگەرد تاڵەبانی خانمە وەزیر کشتوکاڵی لە هەرێم کوردستان، ئمڕوو یەکشەممە، دەسکردن وە هەڵمەتیگ نیشتمانی ئەرا چنین نزیکەی ٥٠٠ هەزار دار راگەیان، ئەوەیش لەڕی پیشکەشکردن دارەیل وە کشاوەرزەیل هەرێم کوردستان ئەرا نواگردن ئاڵشتبوین کەشوهەوا و بیابوانبوین.
یەیش لە وتاریگ لەلایەن خانمە وەزیر کشتوکاڵی لە هەولێر پایتەخت هەرێم کوردستان هات.
تاڵەبانی خان وت: تا گشتمان لە ژینگە سوود گریمن، بیلا مقیەتیی بکەیمن، وخزمەتی بکەیمن، یەیش هاوکاری گشتی خوازێد، و داوا لە وەزارەت وفەرمانگەیل و دام و دەزگایەیل حکومەت هەرێم کوردستان کرد بڕیاریگ تایبەت دەربکەن ک بیلێد چنین فەسیل ودار ئەرک گشتی بوود.
وتیش: لەیرەو راگەینیمن ک ٢٥٠ – ٥٠٠ هەزار دار پیشکەش وە کشاوەرزەیل کەیمن، ئەوەیش لەناو هەڵمەتیگ نیشتمانی ئەرا چنین دار، وداوا لە پارێزگایل وئیداری ناوچەیل ناوخوەیی سەروەخوەی وریخریایەیل شارستانی و حزبەیل سیاسی لە هەرێم کوردستان کرد پاڵپشتی هەڵمەتەگە بکەن.