دەسگیرکردن وەرپرسیگ وەرین وە توومەت دەسناین وەبان زەویەلیگ لە هەرێم کوردستان

شەفەق نیوز/ عەلی حەمە ساڵح ئەندام پەرلەمان هەرێم کوردستان، ئمڕوو شەممە، دەسگیرکردن وەڕیەوبەر وەرین ناحیەی ناوچەی بەکرەجۆ راگەیان، وە توومەت دەسناین وەبان زەویەلیگ لە هەرێم کوردستان.

ساڵح لە بەیاننامەیگ رەسیە ئاژانس شەفەق نیوز وت: (لوقمان) وەڕیەوبەر وەرین بەکرەجۆ، دویای توومارکردن سکاڵا لەبانی لە ماوەی دوو ساڵ گوزەشتە، دەسگیر کریا.

وتیش: توومەتبارەگە دەسنا بان زەویەلیگ وەناو هیزەیل پیشمەرگە وهیزەیل دژەتیرۆر لە ناوچەیل بەکرەجۆ و راپەڕین و دەسنابان هەزاران پارچە زەوی و مەکتەوەیل وبنکەیل تەندروسی و ساوەی مناڵەیل و ماڵەیلیش.