دەسگیرکردن نزیکەی ١٠٠ ژن گەیاکەر لە خانەقین

شەفەق نیوز/ پۆلیس خانەقین،  نزیکەی ١٠٠ ژن گەیاکەر لەناو شارەگە دەسگیر کرد.   

سەرچەوەیگ لە ناو شارەگە ئەرا ئاژانس شەفەق نیوز وت: وە فەرمان عەمید دیار شەوکەت وەڕیەوبەر پۆلیس خانەقین،  ٩٧ ژن گەیاکەر لە خانەقین دەسگیر کریان. 

سەرچەوەگە وتیش: ژنە گەیاکەرەیل بریانە بارەگای پۆلیس تا ریکارەیل یاسایی وەرانوەریان جیوەجی بکەن.   

جی باسە، ک یە ماوەیگە ژنەیل گەیاکەر لە ناو بازاڕ و جادەیلەی خانەقین فرەوە بۊنە، و لە شیوەی قسەکردن و دڵنگیان دیارە ک خەڵک خانەقین نیین، و گشتیان شەۊی و لەچگ سیا پووشن.