دەسگیرکردن نزیکەی ٧٠٠ بازرگان هووشبەری لە هەرێم کوردستان

شەفەق نیوز/ ئاماریگ لەلایەن وەڕیەوبەرایەتی دژە هووشبەری سەروە ئەنجومەن ئاسایش لە هەرێم کوردستان، ئمڕوو جمعە، دەسگیرکردن نزیکەی ٧٠٠ کەس وە توومەت بازرگانیکردن وە هووشبەری لە سەرتای ئمساڵ تا ئیسە ئاشکرا کرد.

وەگورەی ئامارەگە، زیاتر لە ١٣١١ کەس دەسگیر کریان وە توومەتەیلیگ پەیوەندی وە وەکارهاوردن و بازرگانیکردن وە هووشبەری لە سەرەتای ساڵ تا ئیسە.

ئامارەگە نشان دا کە لەناو ئەو شمارە، ٦٩٨ توومەتبار دەسگیر کریان وە توومەت بازرگانیکردن وە هووشبەری، وەگەرد دەسناین ٤٤٤ کیلۆگرام لەلی.

دەسەڵاتەیل هەرێم کوردستان تەقەلا لە دژە هووشبەری و سنووردارکردن پڕوپاگەندەیان وەتایبەت دویای ئەوەگ وەرپرسەیل ئەمنی ئاشکرای زیایبوین ریژەی بازرگانی و فرەیان و پرۆپاگەندە و وەکارهاوردن هووشبەری لە عراق و هەرێم کردن.