دەسگیرکردن ئەندامەیل باندیگ ک ماتۆرسکیڵ گەشتیاریگ لە هەولیر دزینە
2023-02-10T14:53:43+00:00
شەفەق نیوز/ پۆلیس پارێزگای هەولێر پایتەخت هەرێم کوردستان، ئمروو جومعە، خەوەردا لە دەزگیرکردن باندیگ سێ نەفەری ک ماتۆرسکیل گەشتیاریگ ئەڵمانی دزینە.
موقەدەم هۆگر عەزیز قسەکەر پۆلیس هەولێر لە کۆنگرەیگ روژنامەوانی راگەیان، هاولاتییگ ئەڵمانی ک بریاردایە گەشت ئەرا گشت جەهان بکەید لە پیلان گەشتەگەی سەردانیکردن هەولێر بویە، باوجی لە وەخت مانەوەی لە هۆتیل ماتۆرسکڵەگەی دزیەێد وە لایان باندێگ تایبەت وە ماتۆرسکڵ دزین، وتیش وە لایەن هاولاتیەیل دانستگ هەولێر خەوەردار لە رویداواگە کریایمنە.
ئاشکەرای کرد، هیزەیلمان تیمیگ دروس کردن ئەرا مینەکردن لە ماوەی کەمتر لە ٤٨ ساعەت تومەتبارەیل دەسگیرکریان و دان وە تاوانەگەیان دانان وەگەرد ئەنجامداین ٩ تاوانتر، و دەسنریا وە بان ماتۆرسکیڵ گەستیارە ئەڵمانیەگە ک نرخەگەی نزیگەی 10 هەزار دۆلار ئەمریکیە.
