دەسگیرکردن سێ کەس لە سلێمانی وە توومەت دزی

شەفەق نیوز/ پۆلیس سلێمانی، ئمڕوو یەکشەممە، خەوەردا لە دەسگیرکردن سێ کەس وە توومەت دزیکردن ۲٨ مۆبایل گرانبەها و ٥۰۰ هەزار دینار. 

پۆلیس سلێمانی ئمڕوو لە بەیاننامیگ راگەیان، " دویای ئەوەگ وەلایەن دوو خاوەن دوکان سکاڵا توومارکریا، ک دزی لەلیان کریایە دەس وەجی هێزەیل پۆلیس دەسکردنە مینەکردن و لێکۆڵینەوە، لەدویای جەمەوکردن زانیاری لەبان 

توومەتبارەیل  توەنریا کەمتر لە ماوەی ۲٤ ساعەت وەلایەن مەفرەزەیل بنکەی پۆلیس تاسلوجە دەسگیر بکریەن".  

وتیش، تاوانبارەیل بڕ پەنجسەد هەزار دینار وەگەرد ۲٨ مۆبایل گرانبەها لە جویرەیل ئایفۆن و سامسۆنگ هەواوی دزیون، دیاریکرد لە وەخت دەسگیرکردنیان توەنستنە دەسبنەن وەبان بڕیگ لەو کەلوپەلیەیلە ک دزینە.  

وتیش؛ ئیرەنگە تۆمەتبارەیل (ف،ن،أ)، (ك،ن،أ)، (س،م،أ) وە بڕیار  داوەر و وەگورەی ماددەی 443 لە یاسای سزادانی عراقی ڕاگیریانە و لێکۆڵینەوە وەگەردیان وەردەوامە.