دەسگیرکردن دوو کەس وە توومەت تەقەکردن لە خەسخانەی مناڵەیل لە سلێمانی
2023-04-26T08:20:45+00:00
شەفەق نیوز/ وەڕێەوبەرایەتی پۆلیس سلێمانی، ئمڕوو چوارشەممە، راگەیان دوو کەس وە توومەت تەقەکردن لە خەسخانەی مناڵەیل و زەخمداریکردن کارمەندیگ پۆلیس و کارمەندیگ خەسخانەگە دسگیرکریان.
وەڕێەوبەرایەتەگە لە بەیانامەیگ رەسیە ئاژانس شەفەق نیوز راگەیان، دوو توومەتبار دەسگیرکردنە ک هەڵکوتانەس وەبان خەسخانەی مناڵەیل سلێمانی و کارمەندیگ پۆلیس و کارمەندیگ پرسگەی خەسخانەگە وە گولە زەخمدار کردوێن.
ئاشکەراکرد، لە ساعەت ١٠:٣٠ شەو خەوەردار کریایمن دوو کەس ک لە ژیر کاریگەری مادەی کحەولی بوین تواستنە سەردان مناڵیگ لە خەسخانەگە بکەن، باوجی وەلایەن پۆلیس و کارمەن پرسگە ریگری لەلیکریەد رینماییکریانە وەخت سەردانیکردن بیمار کۆتایی هاتیە و مناڵەگەیش داڵگ و باوگی لەلایین نیەخوازێد ئەوان بچنە لای باوجی لە ساعەت ١:٣٠ توومەتبارەیل گلەوخوەن و تەقە لە پۆلیسیگ و کارمەندیگ پرسگەگە کەن و زەخمداریان کەن.
دسوەجی هێزیگ لە پۆلیس رەسینە شوین رویداوەگە و توومەتبار سەرەکی دەسگیرکردنە و ئەوەکەیش نوەنریا لەماوەی کەمیگ دەسگیر بکریەد دەسبنریەد وە بان دەوانچەگە.
