دەسگیرکردن دوو کەس لەناو جادەیل سلێمانی گووشت ئەسپ فرووشن.. وینە
رێکان جەماڵ وەرپرس دەسەیل هاوبەش لە سلێمانی لە کۆنگرەیگ رووژنامەوانی ئاژانس شەفەق نیوز ئامادەی بوی وت: زانیاری هویردیک وەپیمان رەسیە لەبان ماڵیگ لەناوی سەر ئەسپ بڕن، وتیش؛ دەسەیگ وەهاوکاری پولیس سلێمانی و ئاسایش ئابووری لە ئاسایش سلێمانی دروس کریا.
وتیش؛ لە ساعەت سێیەی شەفەق ئمڕوو، دەسەگە پەرد بویە ناو ماڵەگە، و دوو کەس دەسگیر کردن، و گووشت ئەسپ کوڵیاگ پەیا کریا، ک ئەرا فرووشتن لەناو جادەیل گشتی پارێزگاگە ئامادە کریاگە، تا وەسنگ گووشت هەڕیاگ وەنرخ ١٢ دینار هەر کێلویگی بفرووشن، و هەمیش تەرازوی و کەرەستەیل ئەو کارە پەیا کریا.
جەماڵ دیاری کرد ک توومەتبارەیل کار لە قەساوی کەن، و نیاز داشتنە ئەو گووشت ئەسپە لەناو جادەیل گشتی بفرووشن، و دووپات کرد ک توومەتبارەیل دریانە دەس پولیس سلێمانی، و ئیسە هانە لێکۆڵینەوە.
دەسەیل هاوبەش داوا لە خەڵکەگە کردن گووشت لەناو جادەیل نەسینن، و گووشت هەڕیاگیش لە قەساوخانەیل نەسینن تا لە سەرچەوەی ئەو گووشتە دڵنیا بوون.
