دەسگیرکردن دوو کەس لە راپەرین وە توومەت هەڕەشە وە بڵاوکردن وینە و ڤیدیۆ

شەفەق نیوز/ وەڕێەوبەرایەتی پۆلیس راپەرین، ئمڕوو سێشەممە، راگەیان دوو توومەتبار دەسگیرکردنە ک هەڕەشەی بڵاوکردن وینە و ڤیدیۆی دویتیگ دانە و بڕیگ تەڵا و پویل لەلی وەرگردنە. 

وەڕیەوبەرایەتیەگە لە بەیاننامیگ راگەیان، " لە دویای توومارکردن سکاڵایگ وەلایەن خانمیگ، لەبان توومەتبار نادیار ک وە قسەی سکاڵاکەر توومەتبارەیل لەری تووڕەیل کۆمەڵایەی هەڕەشە لەلی کردنە و لە وەرانوەر بڵاونەکردن وینە و ڤیدیۆی بڕیگ پویل و تەڵا لەلی وەرگردنە". 

دیاری کرد، " لە دویای لێکۆڵینەوە دوو توومەتبار وە ناوەیل (ی. ع. ج) و (د. ع. ح)  دەسگیرکریانە.  

وەپای بەیاننامەگەی پۆلیس، توومەتبارەیلە دان وە تاوانەیلیان دانانە، و دەسنریاگە وەبان بڕیگ پویل و تەڵا و مۆبایل و چەقوو، دەرچگە توومەتبارەیلە بڕیگ لەو پویلە خەرجکردنە ک لە سکاڵاکەر وەریگردنە.