دەسگیرکردن دوو کەس برادەریگیان لە هەولێر کوشتنە و یەکیگ زەخمدار کردنە

 شەفەق نیوز/ پۆلیس پارێزگای هەولێر، ئمڕوو چوارشەممە، خەوەردا لە دەسگیرکردن دوو کەس، دویەشەو، بەشداری لە کوشتن برادەریگیان وزەخمداریگ برادەریگ تریان کردنە. 

پۆلیس لە بەیاننامیگ رەسیە ئاژانس شەفەق نیوز وت: دویەشەو لە ساعەت ١٢:٣٠ ، ئاگادار هیزەیلمان کریا وە تەقەکردن لە ناحیەی کەسنەزان، لە ئەنجامی دەرکەفت ک کەسیگ وەناو (ئەحمەد ئیبراهیم محمد) کوشیایە، و کەسیگیش وەناو (رێبین نەوزاد خدر) زەخمدار بویە.

بەیاننامەگە وتیش: هیزەیلمان وە کوتپڕ رەسینە شوین رویداوەگە وتوەنستن دوو توومەتبارەگە بناسن لە برادەرەیل کوشیایەگە وەناو  ( ش.ع) و (ئــ)، لەوەر مرافەی کۆنەیگ ناوبەینیان. 

بەیاننامەگە وتیش: هیزەیلمان لێکۆڵینەوە ئەرا جیوەجیکردن ریکارەیل یاسایی واز کردن.