دەسگیرکردن توومەتباریگ بویەسە هووکار تەقینەوەی کافتریای "لی لی" لە سلێمانی
شەفەق نیوز/ وەڕێەوبەرایەتی وەرگری شارستانی لە سلێمانی، ئمڕوو دووشەممە، دیاریکردن هووکار تەقینەوەی بوتڵ گازەگە لە کافتریای "لی لی" لە سلێمانی راگەیان، ک بویە هووکار زەخمداری نزیکەی ١٥ کەس لە مانگ ئایار گوزەشتە.
رێکان جەماڵ قسەکەر وەرگری شارستانی لە سلێمانی ئەرا ئاژانس شەفەق نیوز وت: لێکۆڵینەوەی هونەری لە هووکارەیل رویداو تەقیان بوتڵەگە تەوا بوی، و دەسەی لێکۆڵینەوە ئاشکرا کرد ک هووکارەگە لەوەر لاوردن ئەو "هەستیارە" "حەساس" لەقەی بوتڵ گازەگە هەڕەمەکی لە تەکان گاز بوتڵەگە دروس کردیە، ئەراوە تەقیەسەو.
وتیش: دەزگا ئەمنیەیلە توومەتباریگ دەسگیر کردن ک ئەو ئامێرە لاوردیە، وەبی ئاشکراکردن ناو وکاری، یا ئەگەر لە کافتریاگە کار کەێد یا نیەکەێد، و دووپات کرد ک باوەتەگە دریا دەس پۆلیس، وئیسە توومەتبارەگە بەندی کریاگە.
لە ١٢ی ئایار گوزەشتە، تەقیان بوتڵیگ گاز لە کافتریای "لی لی" بویە هووکار زەخمداری ١٥ کەس.
