دەسگیرکردن چەتەیگ لە هەرێم کوردستان دەسکاری کارت واکسین دژوە کۆڕۆنا کەێد

شەفەق نیوز/ دکتۆر سامان بەرزنجی وەزیر تەندروسی لە هەرئم کوردستان، ئمڕوو سێشەممە،  راگەیان دەسگیرکردن چەتەیگ کارت درووکانی واکسین دژوە کۆڕۆنا دروس کەن، وتیش: ئی کەسەیلە مەردمەگە خەڵەتانن وکارتەیل درووکانی فرووشتنە.

بەرزنجی لە کۆنگرەی رۆژنامەوانی لە هەولێر وت: وهاوکاری دەزگا ئەمنیەیلە ێی چەتە دەسگیر کریا، و لێکۆڵینەوەکان وەردەوامن، و هێزە ئەمنییەیلە دیرن زانیاری زیاتر گردەو کەن. 

وتیش؛ هەر کەسیگ وە کارت درووکانی بگریەێد،  وەکوتپڕ خریەێدە وەر پرسیار کردژ، و جەخت کرد ک هۊیچ کەس ئەرای نییە کارت واکسین دەسکاری بکەێد، چۊنکە شمارەی نهێنی ناودەوڵەتی دیرن. 

وەزیرەگە وتیش: داوا لە خەڵکەگە کەیمن کارت واکسینەگە وەشیوەی یاسایی وەربگرن تا نەکەفنە وەر پرسیار و سزا.