دەسگیرکردن کابرایگ لە هەولێر چەن جاریگ چشتەیل ناو ماشینەیل دزیە
2022-10-22T13:08:07+00:00
شەفەق نیوز/ وەڕێەوبەرایەتی پۆلیس هەولێر پایتەخت هەرێم کوردستان، ئمڕوو شەممە، دەسگیرکردن کابرایگ وە توومەت دزیکردن چشتەیل ناو ماشینەیل راگەیان.
رائید هۆگر عەزیز قسەکەر پۆلیس لە بەیاننامەیگ رەسیە ئاژانس شەفەق نیوز وت: مەفرەزەیل پۆلیس توەنست کابرایگ وەناو (م. ن. ح) دەسگیر بکەن، وە توومەت دزیکردن چشتەیل ناو ماشینەیل لە نزیک دادگای هەولێر و سەیرانگای سامی عەبدولڕەحمان.
وتیش: توومەتبارەگە لەناو لێکۆڵینەوە دان وە جیوەجیکردن چەن دزییگ وەیجویرە دایە، و دریا دەس دادگا.
