دەسگیرکردن کابرایگ لە سلێمانی هەڕەشە لە ژن دایە
2022-06-19T09:28:52+00:00
شەفەق نیوز/ وەڕێوەبەرایەتیی بەرەنگاربوین توندوتیژیی دژ وە ئافرەتەیل و خیزان لە سلێمانی، راگەیان تۆمەتباریگ دەسگیر کردنە ک هەڕەشەی بڵاوکردن وینە و ڤیدیۆیل ژنەیل دایە.
لە بەیاننامیگ نوسینگەی چەمچەماڵ سەر وە وەڕێەوبەرایەتی بەڕەنگاربوین توندوتیژی دژ وە ژنەیل و خیزان/سلێمانی بڵاوکردەو، تۆمەتباریگ دەسگیرکردنە ک شمارەیگ فرە وینە و ڤیدیۆی نەگونجیاگ لەناو مۆبایلەگەی بویە وە ئەوانە هەڕەشە لە ژنەیل کردیە.
وەپای بەیاننامەگە، ئاو تۆمەتبارە هەڕەشە لە ژنەیل و دوێتەیل کردیە ئەگەر داوایلی جیوەجی نەکەن وینە و ڤیدیۆیان بڵاو کەێد.
تۆمەتبارەگە ناوی (ئ .ع .خ)ـە، تەمەن 21 ساڵە و دانیشتوی قەزای چەمچەماڵە، لە مەوقەی دەستگیرکردنی دەسنریایە وەبان مۆبایلەگەی.
