دەسگیرکردن کابرایگ لە سلێمانی هەڕەشەی بڵاوکردن وینەی چەن دویەتیگ دایە
![دەسگیرکردن کابرایگ لە سلێمانی هەڕەشەی بڵاوکردن وینەی چەن دویەتیگ دایە](https://media.shafaq.com/media/arcella/1653740233431.jpg)
شەفەق نیوز/ پۆلیس سلێمانی راگەیان، توومەتباریگ دەسگیر کردیە ک هەڕەشەی بڵاوکردن وینە و ڤیدیۆی لە چەن دویەتیگ دایە.
بەڕێوەبەرایەتیی پۆلیسی سلێمانی لەباوەت دەسگیرکردن ئەو توومەتبارە وت، مەفرەزەیل بنکەی پۆلیس ئەزمەڕ توومەتباریگ دەسگیر کردنە ک ھەڕەشەی بڵاوکردن وینە و ڤیدیۆی لە چەن دویەتیگ کردێە، ئەوەیش دویای ئەوە ک دویەتیگ لە بنکەی پۆلیس ئەزمەڕ سکاڵای یاسایی لەبانی توومار کردیە.
پۆلیس سلێمانی وتیش، وەکوتپڕ هیزەیل پۆلیس لێکوڵینەوە ئەرای کردنە و دویای وەرگردن بڕیار دادوەر، توومەتبارەگە دەسگیر کردن.
وەپەی بەیاننامەی پۆلیس سلێمانی، دویای لێکۆڵینەوە و لەمەوقەی وەشکین مۆبایلەگەی، دەرکەفت ک توومەتبارەگە “سوکایەتی و ھەڕەشە لە چەن دویەتیگ تر کردیە.”