دەسگیرکردن کابرایگ لەسلێمانی توندوتیژی وەگەرد ژن وەرینی کردگە

شەفەق نیوز/ وەڕێەوبەرایەتی پۆلیس پارێزگای سلێمانی، ئمڕوو پەنجشەممە، خەوەردا ک مەفرەزەیل بنکەی پۆلیس "بەختیاری" کابرایگ دەسگیر کردن، تونوتیژی وەگەرد ژن ورینی کردگە، و لەناو هوتێلیگ زیندانی کردگە.  

وەڕێەوبەرایەتیەگە لە بەیاننامیگ وت: دویای رەسین زانیارەیلیگ ئەرا هیزەیل پۆلیس ک ژنیگ لەناو یەکیگ لە هوتێلەیل شار سلێمانی زیندان کریاگە، مەفرەزەیل پۆلیس دەسکردنە لێکوڵینەوە.       

بەیاننامەگە وتیش: بنکەی پۆلیس بەختیاری توەنست ئەو ژنە پەیا بکەێد ک وەدەس شۊە وەرینەگەی زیندان کریاگە و شکەنجەی دریاگە، لەناو ژووریگ لە هوتێلیگ،  ک ئمجا دەسگیر کریا. 

وەڕێەوبەرایەتیەگە لە بەیاننامەگەی وتیش: لەی مەوقە توومەتبار (ع، م، ه لە داڵگبوی ساڵ ١٩٩٣ لە بنچینەی عەرەب) وە فەرمان دادوەری بەندی کریاگە، و لێکۆڵینەوە وەگەردی وەردەوامە.