دەسکریا گردەوبوین سەرۆک هەرێم کوردستان وەگەرد هیزەیل سیاسی وە ئامادەبوین بلاسخارت
شەفەق نیوز/ نێچیروان بارزانی سەرۆک هەرێم کوردستان، ئمڕوو چوارشەممە، گردەوبوینیگ وەگەرد هیز و حزبەیل کوردستانی ئەنجام دا، ئەرا باسکردن لە ئەنجامدان هەڵوژاردن پەرلەمان. ئی گردەوبوینە، سێیەمە لەیجورە لە بینای سەرۆکایەتی هەرێم وە ئامادەبوین بلاسخارت نوینەر نەتەوە یەکگرتگەیل.
لە ٢٤ شوبات گوزەشتە، نێچیروان بارزانی سەرۆک هەرێم کوردستان لەبان فەرمانیگ وە دیاریکردن یەک تەشرین یەکەم ئایندە ئەرا ئەنجامدان هەڵوژاردن خول شەشەم پەرلەمان هەرێم کوردستان واژوو کرد.
باوجی کۆمسیۆن باڵای سەروەخوەی هەڵوژاردن لە هەرێم کوردستان، ئمڕوو چوارشەممە، نووڕێد ک ئەنجامدان هەڵوژاردن پەرلەمان لە هەرێم کوردستان شەش مانگ ئامادەکاری خوازێد.
یاسای هەڵوژاردن، کۆمسیۆن و لیست دەنگدەرەیل و مەوقەی ئەنجامدان هەڵوژاردن، زاقترین ناکۆکیە ناوبەین هیزەیل کورد، ک ئەوەسا لەی گردەوبوینە باسیان کریەێد.
