دەسەیگ دادوەری ئەرا لێکۆلینەوە لە دەسوەشانن ئەندامەیل ئاسایش لەبان ژنەیل لەناو دادگای سلێمانی
شەفەق نیوز/ ئەنجومەن دادوەری لە هەرێم کوردستان، ئمڕوو سێشەممە، دروسکردن دەسەیگ لێکۆڵینەوە راگەیان ئەرا دەسوەشانن ئەندامەیل ئاسایش لەبان ژنەیلیگ لەناو دادگای پارێزگای سلێمانی.
کەسەیلیگ لەناو ماڵپەڕەیل سۆشیال میدیا لە هەرێم کوردستان، پارچە ڤیدیۆییگ بڵاو کردن، نشان کەسەیلیگ دەێد وە دڵنگ ئاسایش دەس لەژنەیل لەناو دادگای سلێمانی وەشنن، ک بویە تویڕەیی فراوانیگ لەناو کۆمەڵگا لە ئاست هەرێم کوردستان.
دادوەری لە بەیاننامیگ رەسیە ئاژانس شەفەق نیوز وت: لە رووژ ١٣ی حوزەیران ٢٠٢٢ ، رویداویگ لەبان بڕیگ ژن لەلایەن هیزەیل ئاسایش لەبان ژنەیل بوی، و وەگەرد نشاندان نیگەرانیمان لەو رویداو ناخوەش وناشیاوە، بڕیار دروسکردن دەسەیگ لێکۆڵینەوە دایمن ئەرا لێکۆڵینەوە لە چوینیەتی رویدان کارەگە و ئاشکراکردن راسیەیل، و دویای تەوابوین لێکۆڵینەوە ئەوەسا ئەنجامەیلی لەوەرچەو رای گشتی بڵاو کەیمن.
