دەسەی باڵای نواگردن کۆرۆنا بڕیار نوو دەرکرد

شەفەق نیوز/ دەسەی باڵای نواگردن کۆرۆنا لە جەمەوبۊینەوەگەی ئمڕویان بڕیارێل نوو دەرکردن وەگورەی بڕیارەلیان ڤاکسین کۆرۆنا کریاگە ناچاری وەتایوەت لە فەرمانگەێل حکومەتی.    

جوتیار عادل، قسەکەر حکومەت هەرێم کوردستان، لە دومای جەمەوبووین لیژنەێ باڵای کۆرۆنا راگەیان، پێشنیازەیل وەزارەت تەندروسی خریانەسە رۊی وە جەم دەنگەێلە پەسن کریان.  

بڕیارەێل لیژنەگە:   

پرۆسەی خوەنستن ناوسنرێد، وەردەوام بوود لە ناوەندێل خوەنین، لە مەکتەو و زانکۆ و پەێمانگەیل، وە مەرجگ دەمامەک بوەسن.  

‏تا 1-1-2022 بایەت گشت فەرمانبەرێلە ڤاکسین بیەن و کارت ڤاکسین ئەرایان بکرێد ، ناچریە و هەرکەسێ پابەند نەود رێکارەێل یاسایی وەراوەری کرێد.  

خوێندکارەیل لە 18 ساڵ ئەوبان بایەت ڤاکسین وەرگرن و ناچارییە.  

کارمەن و خاوەنکارەیل کەرت تایوەت بایەت ڤاکسین وەرگرن  

‏مامۆستا لە وەزارەتەیل پەروەردە و خوەنسن باڵا و خوێنکارەیلە بایەت تا 1-12-2021 ڤاکسین وەربگرن.