دەسەڵاتەیل هەرێم کوردستان بازرگانیگ هوشبەری دەنە دەس نەجەف
2023-04-15T11:49:13+00:00
شەفەق نیوز/ سەرچەوەیگ لە پولیس عراق، ئمڕوو شەممە، خەوەردا ک دەسەڵاتەیل ئەمنی لە هەرێم کوردستان، بازرگانیگ هوشبەری دانە دەس نەجەف، دویای گلەوخواردنی لە تورکیا.
سەرچەوەگە ئەرا ئاژانس شەفەق نیوز وت: پارێزگای نەجەف بازرگانیگ هوشبەری لە دەسەڵاتەیل هەرێم کوردستان وەرگردن، ک وەرجەیە لەوەر سکاڵایگ دزیکردن ماشینیگ دەسگیر کریاگە.
دیاری کرد ک ئەو بازرگانە لە ساڵ ٢٠٢١ وە توومەت ٥٠ دەنگە حەپ هووشبەری وەپی بویە، دەسگیر کریاگە، و دویای ئەوە وەشیوەی نادیاریگ لە زیندان دەرچگە و چیەسە تورکیا، و دووارە هاتە هەرێم کوردستان تا کار لە بازرگانی ماشینەیل بکەێد، ک لەبان ماشینیگ دزیاگ لە هەرێم کوردستان دەسگیر کریا.
