دەسپاکی کاندیدیگ ئەرا قايمقاميەت خانەقین لەبان پۆست سەربازیی رەت کەێد

شەفەق نیوز/ دەزگای دەسپاکی، ئمڕوو سێشەممە، کاندید یەکێتی نیشتمانی کوردستان ئەرا پۆست قایمقام خانەقین، لە پارێزگای دیالە رەت کرد، لەوەر پۆست سەربازیی.

سەرچەوەیگ ئەرا ئاژانس شەفەق نیوز وت: دەزگای دەسپاکی سۆران باجڵان رەت کردر کە یەکێتی ئەرا پۆست قایمقام قەزای خانەقین کاندیدی کرد، چوینکە کاری سەربازییە، و یەیش وەگەرد مەرجەیل نیەپووڕێد.

وتیش: لەبان ئەو سەرۆک یەکەیل ئیداری کە ئەنجومەن دیالە دەنگ وەپییان دانە وەلایەن دەزگای دەسپاکی واژوو کریا.

شەفەق رووژ پەنجشەممە ٢٤ تشرین یەکەم گوزەشتەر لە لە دانیشتنیگ تایبەت دەنگ وەبان سەرۆکەیل نوو یەکەیل ئیداری دا، وە ئامادەبوین ١٠ ئەندام لە بنچینەی ١٥ ئەندام، و چەن پۆستیگ خریا وەختیگ ترەک لەوەر ناکۆکی لەبانیان.