دەزگای شەهیدەیل داوا لە کوردەیل فەیلی کەێد سەردانی بکەن
2023-12-25T08:25:31+00:00
شەفەق نیوز/ دەزگای شەهیدەیل، ئمڕوو دووشەممە، داوا لە کەسوکار کوردەیل فەیلی بیسەروشوینەیل کەێد سەردانیان بکەن ئەرا چەسپانن مافەیلیان و دەرکردن بەرگەیل فەرمی ئەرا قوربانیەگە.
راگەیانن دەزگاگە لە بەیاننامەیگ رەسیە ئاژانس شەفەق نیوز راگەیان، سەرۆک دامودەزگای شەهیدەیل عەبدولئیلاه نائلی وتیە،" هەوەجە کەێد وە زویترین وەخت چارەسەر بارودۆخ کەسوکار کوردەیل فەیلی بیسەرشوینەیل بکرێد کە وەلایەن رژێم بەعس لەناوچی بیسەرشوین کریان".
دەسەگە داواکەێد "سەردان وەڕێوەبەرایەتیەیل دەزگاگە بکەن لە بەغدا و پارێزگایەیل ئەرا پێشکەشکردن داواکاری ئەرا رۆڵەیلیان کە بیسەروشوینن تا بتوەنرێد وە لایەن لیژنەیل کاروبار کوردەیل فەیلی تاوتوێ بکرێد و ریکارەیل پێداویست وەربگیرێد ئەرا چەسپان مردنیان و وە شەهید لەقەڵەم دانیان و دەرکردن بڕوانامەی مردن ئەرایان وەلایەن دادوەر عراقی تایوەت".
