دەرچگە سێ یەکەمەیل لە سلێمانی لەنوای زانکۆ ناڕزایی نیشاندەن

شەفەق نیوز/ شمارەیگ لە دەرچگە سێ یەکەمەیل لە سلێمانی، ئمڕوو چوارشەممە، لەنوای سەرۆکایەتی زانکۆ خوەنیشاندانیگ ناڕەزایی رێکخسن، داوای جیوەجیکردن بڕیار دامەزاننیان کەن لە زانکۆ و کۆلێژەگان.

لەنجە رەحیم، نوێنەر دەرچگەیل لە کۆنگەیگ رووژنامەوانی کە ئاژانس شەفەق نیوز ئامادەبوی وت: "داوای جیوەجیکردن ئەو یاسایەلە کەیمن کە پەیوەنی وە دامەزرانن سێ یەکەمەیل زانکۆ و کۆلێژەیل دیرێد وە وەرچەو گردن ئەوە دامودەزگایەیلە هەوجەیان کەن".

وتیش:"رووژانە دامەزان دەەو لایەنەیل ترەک کۆمەڵگەدوینیمن باوجی ئیمە فرامووش کریامنە، سەرەرای یە کە دامودەزگایەیل حکومەت هەوەجەی توانایەیلمان کەن".

دووپاترکرد" زیاتر لە 12 هەزار دەرچگ سێ یەکەم دانەمەزریاگ لە هەرێم کوردستان هەس لە ساڵ 2017ەو تا ئیسە، تا ئیسە کەسیان دانەمەزریان".

لە کۆتایی وت: "هەفتەیگ وە حکومەت دەیمن ئەرا جواوداین داواکاریمان، لەوەختیگ جواومان نەدرێد، پەنا ئەرا گشت مافەیل مەدەنی بەیمن و خوەنیشاندانیگ لەبان ئاست هەرێم رێکخەیمن".