دەرکردن ئەندامیگ نەوەی نوێ لە دانیشتن پەرلەمان کوردستان
2021-05-05T10:02:59+00:00
شەفەق نیوز/ هێمن هەورامی جیگر سەرۆک پەرلەمان کوردستان، لە دانیشتن ئمڕوو چوارشەممە، ئەندام پەرلەمان قسەکەر وەناو فراکسیۆن نەوەی نوێ کاوە عەبدولقادر لە دانیشتنەگە دەرکرد.
وەگورەی پەیامنێر ئاژانس شەفەق نیوز؛ هەورامی لەوەر نەوین رێواز فائق خانمە سەرۆک پەرلەمان، خوەی سەرپەرشتیاری دانیشتن پەرلەمان کرد.
دەرکردنەگە لەدویای ئەوە هات ک عەبدولقادر داوای قسەکردن دەربارەی باوەت بڕین لە مووچەی فەرمانبەرەیل کرد، و چەن جاریگ داوا کردنە ئی باوەتە بخەنە ناو خشتەی کارەیل دانیشتنەیل پەرلەمان و سەرۆکایەتی پەرلەمان جیوەجیی نێکەێد.
هەورامی هووشیاری داگە عەبدولقادر لە خشتەی کارەیل دانیشتنەگە لا نەیەێد، و هەر قسەیگ دیرێد بایەدە لە چوارچیوەی بەرنامەی دانیشتنەگە بوود، باوجی ئەو هەر لە قسەیلی وەردەوام بوی تا هەورامی داوای دەرچگن لە دانیشتنەگە لەلی کرد.
