دژە تیرۆر کوردستان: درۆنیگ تورکی ماشینیگ پەکەکە لە هەولێر کردیەسە ئامانج
2023-10-17T11:27:17+00:00
شەفەق نیوز/ دەزگای دژە تیرۆر هەرێم کوردستان، ئمڕوو سێشەممە، خەوەردا لە وە ئامانج کردن ماشینیگ سەر وە پەکەکە وەلایەن درۆنیگ تورکیا لە قەزای کۆیە سەر وە پارێزگای هەولێر.
وەپای زانیاریەیل دەزگاگە کە لەبان تووڕ کۆمەڵایەتی " فەیسبووک" بڵاویکردیە، فرۆکەیگ بی فرۆکەوان تورکیا ئمڕوو ساعەت 10:50 شەوەکی ماشینیگ ئەندامەیل پەکەکە کردیەسە ئامانج لەئاوای (کانی کەند) سەر وە قەزای کۆیە.
وەپای زانیاریەیل هەمان سەرچەوە لەئەنجام کەسیگ کوشیاگە و کەسیگتریش زەخمدارە.
