دەیان خیزان کورد لە ئۆکرانیا گیرهاتنە
![دەیان خیزان کورد لە ئۆکرانیا گیرهاتنە](https://media.shafaq.com/media/arcella/1646637103903.jpg)
شەفەق نیوز/ ئەحمەد سەحاف، قسەکەر وەزارەت دەرەوەی عراق راگەیان، تا ئیسە وە فەرمی وە زانیاریی پشراست و دڵنیا نەکریاینە لەوەی هاووڵاتیەیل عراقی لە ناوچەی سۆمی، وەلایەن چەکدارەیل ئۆکرانی دەسگیر کریانە.
سەحاف ئەوەیش راگەیان، وەزارەتەگەی لە باڵیۆزخانەی عراق لە کیێڤ و رەوەند عراقی و کەسایەتییەیل وەدۊاچگن ئەرا راسیەگە کەن، ئەراوە باڵیۆزخانە پەیوەندی وە دەسەڵاتدارەیل حکومەت ئۆکرانیاوە کەن.
شار سۆمی، نزیک سنوور رووسیاس و کەفێدە باکووری خوەرهەڵات ئۆکرانیا، لەوەر پەلامارەیل سوپای رووسیا تاوەکو ئیسە وەلایەن چەکدارە جوداخوازەیل ئۆکرانیاوە ئاخڵە دریایە و وەگورەی زانیارییەگانیش دەیان خێزان عراقی و سەدان خێزان ئۆکرانی لەو شارە دەسوەسەر کریانە.