دیارترینیان ترەمپ و ماکرۆنە.. نێچیروان بارزانی چەوی کەفێدە سەرکردە و ریبەرەیل جيهان لە پاریس.. وینە
شەفەق نیوز/ نێچیرڤان بارزانی، سەرۆک هەرێم کوردستان، لە پەراوێز بەشداریکردن لە مەراسیم وازکردن “کاتدراڵیەی نۆتردام” لە پاریس پایتەخت فەرەنسا، چەوی کەفتە سەرکردە و ریبەرەیل وڵاتەیل.
وەگورەی ئەو وینەیلە کە سەرۆکایەتی هەرێم کوردستان بڵاویان کرد، لەناو ئەو سەرکردە دیارەیلە کە سەرۆک نێچیرڤان بارزانی چەوی وەپییان کەفت یانە بوین: ئیمانوێل ماکرۆن سەرۆک فەرەنسا، و دۆناڵد ترەمپ سەرۆک هەڵوژیای ئەمەریکا و ملیاردێر و بازرگان ئەمریکی ئیلۆن ماسک.
لە پاریس، وە مەراسیمیگ فەرمی پیشوازی لە سەرۆک نێچیرڤان بارزانی وەڕیەو چگ، لەڕی کاروانیگ فەرمی کە ئاڵا و ناو کوردستان هەڵگردوێد.
لە وەڵام مکیس فەرمی ئیمانوێل ماکرۆن، سەرۆک فەرەنسا، ئیوارەی دویەکە شەممە، نێچیرڤان بارزانی، سەرۆک هەرێم کوردستان، وەگەرد بڕیگ سەرۆک و سەرکردەیل جیهان، بەشداری لە مەراسیم وازکردن کاتدراڵیەی میژوویی نۆتردام لە پاریس کرد.
