دیاریکردن مەوقەی وازکردن بانک نیشتمانی لە هەرێم کوردستان
2022-09-25T07:58:43+00:00
شەفەق نیوز/ مەولود سابر وەڕیەوبەر گشتی بانکەیل بازرگانی لە هەرێم کوردستان، ئمڕوو یەکشەممە، ئاشکرای مەوقەی وازکردن بانک نیشتمانی هەرێم کوردستان کرد.
سابر ئەرا ئاژانس شەفەق نیوز وت: گشت ریکارەیل وازکردن بانکەگە جیوەجی کریانە، و شایەت لە سەرساڵ ئایندە وازی بکریەێد.
وتیش: تەنیا ریکار دیاریکردن وەڕیەوبەر و فەرمانبەرەیل بانکەگە مەنیە، وەگەرد چەن کاریگ یاسایی وەرد بەغداد.
لەباوەت قانجازەیل بانکەگە، سابر وت: یەکیگ لە زاقترین قانجازەیل بانکەگە ئەوەسە ک هاووڵاتییەیل هەرێم کوردستان توەنن سوود لە گشت ئەو قەرزەیلە بگرن ک بانک ناوەندی دەێدەی، وەگەرد ئەو کارەیل دارایی.
لە رووژ ١٢ی ئاب ٢٠٢٢، حکومەت هەرێم کوردستان رەسین دامەزرانن بانک نیشتمانی لە هەرێم کوردستان وە دویادویا گامەیلی راگەیان، دویای تەواکردن فرەی کارەیل ئی پڕووژە.
