خوەیکوشن ئەفسەریگ پێشمەرگە.. باوگی پلەی لیواس رونکردنەوە دەێد لە دویای تۆمەتبارکردنی
شەفەق نیوز/ زریان شێخوسانی لیوا لە هێز پێشمەرگە، ئمڕوو جومعە، راگەیان کورەگەی ک خاوەن پلەی رائیدە لە هێزەیل پێشمەرگە خوەیکوشتیە لە شوین نیشتەجیبوینەگەی لە شەقلاوە لە پارێزگای هەولێر پایتەخت هەرێم کوردستان.
باوگی لە بەیاننامیگ لەبان تووڕ کۆمەڵایەتی ک رەسیە وە ئاژانس شەفەق نیوز وە دەزگایەیل راگەیاندن و رووژنامەوانەیل وت: " رویداو دڵتەزنیگ رویدایە ئەرامان و تاوانبارکریەم وە کوشتن کورەگەم "شەهید زریان شیخ وسانی" گشت ئەو هەواڵەیلە دویرە لە راسیەو لێکۆلینەوە لە راسی هویردەکاریەیل نەکردنە.
دەزگایەیل ناوخوەیی و پەیجەیل بان تووڕەیل کۆمەڵایەتی راگەیانن گەورەیگ لە لیوای پێشمەرگە "شێخ وسانی" کورەگەی خوەی رائید "شەهید"کردیە.
لیواگە وە ئەو دەزگایەیل و پەیجەیلە وت: وە شیوەی هەلەیگ وەبی ئەوەی بچنەو ئەرا بنەما ئەخلاقیەگان پیشەیی تویش ناوزڕانن ئیمە کردینە لەوەر ئەوە ناچاریمن سکاڵای یاسایی وەبان گشت ئەو هەژمار و پەیجەیلە تووماربکەیمن ک بوینەسە هووکار ناوزڕانن من و خیزانەگەم".
وتیش: " کورەگەم خوەی کوشتیە کەس پەیوەندی وە کوشتنەگەی نەیرێد".
