خوەیکوشتن گەنجیگ لە وەردەم شانۆی رۆمانی لە سلێمانی

شەفەق نیوز/ وەڕیەوبەرایەتی پولیس سلێمانی، ئمڕوو دووشەممە، خەوەردا لە خوەیکوشتن گەنجیگ لە وەردەم "هەواری شار"، وەبی زانستن هووکارەگەی.

سەرکەوت ئەحمەد قسەکەر پولیس سلێمانی ئەرا ئاژانس شەفەق نیوز وت: نیمەڕو ئمڕوو، گەنجیگ لە وەردەم پارک هەواری شار (شانۆی رۆمانی) خوەی کوشت، و تا ئیسە مدووەیل رویداوەگە نەزانیاس.

ئەحمەد وتیش: تیمەیل پولیس و فریاکەفتن سلێمانی رەسینە شوین رویداوەگە، و تەرمەگە ئەرا پزشک دادوەری بریا ئەرا تەواوکردن ریکارەیل یاسایی.