خوەنستن باڵا هەفتەیگ دەوام فەرمی لە زانکۆی سەڵاحەدین کردە پشوو
شەفەق نیوز/ وەزارەت خوەنستن باڵاو توێژینەوە زانستی لە هەرێم کوردستان، ئمڕوو جومعە، پشوو دەوام فەرمی لەزانکۆی سەلاحەدین لەهەولێر ئەرا ماوەی یەک هەفتە راگەیان.
وەزارەتەگە لە بەیاننامەیگ ک رەسیە شەفەق نیوز وت: ئارام محەمەد قادری وەزیرەگەی سەردان بەش ناوخوەیی (شوکەت شێخ یەزدین)کردیە وەگەرد خوەنەوارەیل قسە کردیە و دۊیای ئەو زەرەردەیلە وە بینای بەش ناوەخوەی رەسیە لە ئەنجام لافاوەگە وەبی زەرەرد گیانی.
لە بەیاننامەگە هاتییە: وەزیر پیشنیار ئەوە کردیە تیمیگ لە زانکۆ سەڵاحەدین وەپەلە زەرەردیل دیاری بکەن و قەرەبۊی خوەنەوارە زەرمنەەدە کریەێد و خوازینەیل ئەرایان دابین کریەێد.
لەوەر ئەوە وەزیر بڕیاردا ماوەی هەفت رووژ دەوام فەرمی سەرجەم کۆلێژو بەشەیل زانکۆی سەلاحەدین بکەێدە پشوو تا ئەو مەوقەی بەشە ناوخوەیەیلە دوارە خاسەو کریەێد دۊیای ئەو زەرەردیل لەوەر وارانە فرەگەی ئمڕوو شەوەکی.
