خوەنستن باڵا لە هەرێم کوردستان ٣ رووژ دەوام زانکۆ و کۆلێژەیل پەک خەێد

شەفەق نیوز/ وەزارەت خوەنستن باڵا و توێژینەوەی زانستی لە هەرێم کوردستان، ئمڕوو چوارشەممە، بڕیار پەکخستن دەوام فەرمی ئەرا ماوەی سێ رووژ لە زانکۆ و کۆلێژ و پەیمانگەیل حکومەتی و تایبەت دا، ئەوەیش وەگەرد مەوقەی ئەنجامدان دەنگدان تایبەت ت گشتی لە هەڵوژاردن پەرلەمان کوردستان.

وەزارەتەگە لە بەیاننامەیگ وت: چوینکە هەڵوژاردن پەرلەمان کوردستان کەفێدە (20/ 10/ 2024)، ئەو ناوە لە  (19) تا (21) لە مانگ تشرین یەکەم/ ئۆکتۆبەر، کە کەفێدە شەممە، یەکشەممە، دووشەممە، بوودە پشوو فەرمی لە گشت زانکۆیل حکومەتی و تایبەت و دامودەزگایل وەزارەت خوەنستن باڵا و توێژینەوەی زانستی.

دویای ساعەت ١١ی شەوەکی ئمڕوو چوارشەممە، ناوچە و شارەیل هەرێم کوردستان کەفتنە بیدەنگی هەڵوژاردنی، دویای ٢٢ رووژ لە دەسکردن وە پرۆپاگاندای هەڵوژاردن لە رووژ ٢٥ ئەیلوول گوزەشتەو.

نێچیروان بارزانی سەرۆک هەرێم کوردستان، لە مانگ حوزەیران گوزەشتە، مەرسوومیگ هەرێمی دەرکرد، لەناوی رووژ ٢٠ تشرین یەکەم ٢٠٢٣ دیاری کرد ئەرا ئەنجامدان هەڵوژاردن پەرلەمان کوردستان.