خوەنەواری کوردستان راگەینێد وەردەوامی دەوام
2021-04-15T10:21:05+00:00
شەفەق نیوز/ ئارام محمد وەزیر خوەنەواری باڵا و تۆێژینەوەی زانستی لە هەرێم کوردستان، ئمڕوو پەنجشەممە، وت: مەترسی لەبان خوەنەواری باڵا لەماوەی ساڵ خوەنەواری ٢٠٢١ - ٢٠٢٢ نییە، و نزیکەی ٨٥٪ لە موحازەرەیل دریانە خوەنەوارەیل زانکۆەیل.
وەزیرەگە لە کۆنگرەیگ رۆژنامەوانی ئمڕوو وت: تا ئیسە مەترسی لەبان خوەنەواری باڵا نییە، باوجی ئەوە نییە ک بویشیمن ئیمە نییمنە نوای گرفتیگ یا رەوشەگە بخەیمنە پشتگووش، و ئیمە وەردەوامیمن لە چەودیریکردن لە نزیکەو تا رەوشەگە نەڕەسێدە قۆناغ مەترسی لەسای بڵاوبوین ڤایرۆس کۆڕۆنا.
وتیش؛ خوەشبەختانە ک تا ئیسە ٨٥٪ لە موحازەرەیل دریانە، و ئامادەکاریەیل جوور خوازین وەڕیەو چینە تا دەوامەگە لەماوەی چوار هەفتەی ئایندە وەردەوام بوود.
