خوەنەوارەیل بەش ناوخوەیی زانکۆی گەرمیان ناڕەزایی کەن
![خوەنەوارەیل بەش ناوخوەیی زانکۆی گەرمیان ناڕەزایی کەن](https://media.shafaq.com/media/arcella/1666609477917.jpeg)
شەفەق نیوز/ شمارەیگ لە خوەنەوارەیل بەشەیل ناوخوەیی لە زانکۆی گەرمیان، شەوەکی ئمڕوو دووشەممە، لە وەردەم سەرۆکایەتی زانکۆگە لە شار کەلار، لەبان بەدی خزمەتگوزاریەیل بەشەیل ناوخوەیی ناڕەزایی کردن.
حەمە عوسمان یەکیگە لە خوەنەوارەیل بەشەیل ناوخوەیی لە زانکۆی گەرمیان ئەرا ئاژانس شەفەق نیوز وت: خزمەتگوزاریەیل بەشەیل ناوخوەیی نەڕەسێدە ئاست خوەنەوارەیل زانکۆ، ک خوازن بینای دویارووژیان بکەن تا بوونە سەرکردەیل کۆمەڵگا دویای دەرچگنیان.
وتیش: گرفتەیل فرەیگ دیریمن، گرنگتریان نەوین ئامیرەیل سەرد وگەرمکردن، ک وەگورەی رەوشەیل نیین، هەمیش کامیرایل چەودیری و پەککەوتنی پاچینەیل و گرانی خوەراک.
عوسمان وتیش: خوەنەوارە ناڕەزایل نەهیشتن فەرمانبەر و مامووستایل زانکۆ بچنە ناو زانکۆگە، و دووپات کرد ک تا جیوەجیکردن داوایلمان لە ناڕەزایی وەردەوامیمن.