خوەنیشاندان خۆبەخشەیل گەرمیان چوودە ناو شەشەم رووژ...وینە
2022-12-05T12:53:08+00:00
شەفەق نیوز/ ئمڕوو دووشەممە، خوەینیشاندانەیل خوەیوەخشەیل لە ئیدارەی گەرمیان چوودە ناو شەشەم رووژ داوا لە حکومەت کەن دایانمەزرێنێد.
عومران ئەحمەد یەکیگە لە خوەینیشاندەرەیل وە ئاژانس شەفەق نیوز وت" سەرەرای ئەوەگ ک خوەنیشاندانەیل وەردەوامە ئەرا ماوەی شەش رووژە تا ئیسە کەسیگ جواو داواکاریەیلمان نەیایە لەوەر یە ئیمە وەردەوام مینیمن لەخوەنیشاندانکردن".
وتیش" لە هەرێم کوردستان هویچ سیستمیگ نییە پشتگیری هاوڵاتی یا فەرمانبەر بکەێد و مافەیلمان بدەێد".
هەمیش ئەڤین عەباس دووپاتکرد، بایەتە حکومەت هەرێم کوردستان وەرەو بکەێد لە بارودۆخ هاوڵاتیەیل و فەرمانبەرەیل، ماوەی 12 ساڵە تا ئیسە مامووستای فرەیگ هەس دانەمەزریانە لەبان کەرت گشتی، داواکاریمن مامووستایل وەشیوەی هەمیشەیی دابمەزریەن".
