خوەنیشاندان کارمەندەیل پەروەردەیی لە خانەقین داوای جیوەجیکردن 5 داواکاری بنەڕەتی کەن
ئومێد مەحمود (مامووسا) وە ئاژانس شەفەق نیوز وت، "کارمەنەیل پەروەردە خوەنیشاندانکردنە ئەرا داوای جیوەجیکردن پەنج داواکاری بنەرەتی، گواستنەوەی موچەی فەرمانبەرەیل هەرێم ئەرا بان وەزارەت پەروەردەی ئەرا ژیر وەرپرسیارەتی وەزارەت دارایی فیدڕاڵی و مەرەقەزکردنی لەری ئەلکترۆنی (ماستەر کارد)، ئاشکەراکردن چارەنویس مووچە پاشەکەوتەیلیان وە لایەن حکومەت هەرێم کوردستان، و پلە بەرزەوکردن، دامەزرانن خوەیبەخشەیل، و یەکسان کردن مووچەی خانەنشینی وەگەرد مووچەی خانەنشینی حکومەت فیدراڵی".
دووپاتکرد "فەرمانبەرەیل پەروەردە داوا کەن پرس مووچە و گوزەرانن هاوڵاتیەیل جیاوەبکرێد لە ناکۆکیەیل ناوەین حکومەت بەغدا و هەولێر، وتیش "بارودۆخ زندگی و دارایی فەرمانبەرەیل پەروەردە بەدبەختیە".
دیاریکرد " گشت دوکانەیل خوەیان وە دویرگرن وە وەقەرزداین شتومەک وە فەرمانبەرەیل پەروەردە وەردگەرد گردەوبوین بڕە قەرز کرای ماڵ و شوقەی نیشتەجی بوین ئەرا ماوەی چەندین مانگ" دووپاتکرد "ماف هەر فەرمانبەریگ کە لە لای حکومەت هەرێمە لەناوەین 30 ئەرا 35 ملیۆن دینارە".
وتیش "70% فەرمانبەرەیل هەرێم باکۆت دەوام کردنە لە مەکتەوەیل خانەقین لەناوەین ژان و خوسەی ئایندەی خوەنەوارەیل و خوەنین" دووپاتکرد "کارمەندەیل پەروەردە ئارەزووکەن دەسبکرێد وە دەوام وە مسۆگەرکردن مافەیل ژیانیان ".
