خنكانن باوگ و کوڕیگ و خوەیکوشتن پێشمەرگەیگ وە دوو رووداو لە هەرێم کوردستان
شەفەق نیوز/ وەچەودیەلیگ لە پارێزگای هەولێر پایتەخت هەرێم کوردستان، ئمڕوو پەنجشەممە، باس خنکانن باوگ و کوڕیگ لەناو گوڵەم ئاویگ.
وەچەودیەیلە ئەرا ئاژانس شەفەق نیوز وتن: خەوەردار دەسەڵاتەیل لە خنکانن باوگ و کوڕیگ لەناو گوڵەم ئاویگ لە ئاوای بیرە رەش سەروە ناحیەی کەسنەزان کردن.
وتنیش؛ هێزەیل پۆلیس دوو تەرمەگە دراوردن.
وەگورەی زانیارەیل، پیاوەگە لە داڵگبوی ساڵ ١٩٨٤ ە، و کوڕەگەی لە داڵگبوی ساڵ ٢٠٠٧ ە.
لە رووداویگ تر، موقەدەم عەلی جەمال قەدەری وەڕێۆبەر راگەیانن پۆلیس ناوچەی گەرمیان لەبەیانامەیگ وت: شەوەکی ئمڕوو، تەرم ئەندام لە هێزەیڵ پێشمەرگەی لیوای سێیەم (عەباس عەبدولڵا حەبیب ) لە داڵگبوی ساڵ ١٩٨٠ وەرەو بەش فریاکەفتن لە خەسەخانەی شەهید هەژار لە قەزای کەلار بریا، م لەوەر گولەیگ گیانی لەدەسدا.
وەگورەی قسەیل هاوڕییەیلی ک لە خەڵک شار خانەقینن، ک لە مەوقەی ئەرکەگەی لە نزیک خانەقین گولە لەخوەی داگە.
