خشتەی بەشەوکردن مووچەی مانگ ئەیلوول لە هەرێم کوردستان
2022-09-29T14:18:11+00:00
شەفەق نیوز/ وەزارەت دارایی و ئابووری لە حکومەت هەرێم کوردستان، ئمڕوو پەنجشەممە، خشتەی بەشەوکردن مووچەی مانگ ئەیلوول ٢٠٢٢ بڵاو کرد، و دیاری کرد ک لە رووژ سێشەممە ٤ تەشرین یەکەم ئایندە دەسوەپی کەێد، و لە رووژ ٢٥ خود مانگەگە وە بەشەوکردن مووچەی خانەنشینیەیل پیشمەرگە تەواو بوود.
وەزارەتەگە لە بەیاننامەیگ رەسیە ئاژانس شەفەق نیوز وت: حکومەت هەرێم کوردستان ئەوەسا لە رووژ سێشەممە ٤ تەشرین یەکەم ٢٠٢٢ دەسکێدە بەشەوکردن مووچەی مانگ ئەیلوول.
وتیش: مووچەی وەزارەت تەندروسی لە رووژ سێشەممەی ئایندە بەشەو کریەێد، ئیجا مووچەی وەزارەت پیشمەرگە یەکەی ٧٠ و ٨٠ لە رووژ چوارشەممە، و مووچەی وەزارەتەیل دارایی وناوخۆ ودامومدەزگایل نەفتی و وەڕێەوبەرایەتی گشتی رەگەزنامە کەفێدە رووژ پەنجشەممەی ئایندە.
