خاوەن ئاژەڵەیل سلێمانی شەرمەزار بڕیارەگەی حکومەت کەن وە چووڵکردن شوینەگانیان
2024-07-08T07:00:32+00:00
شەفەق نیوز/ ئەو خاوەن ئاژەڵەیلە لە بازاڕ فروشتن ئاژەڵ سلێمانی کارکەن، ئمڕوو دووشەممە، شەرمەزار بڕیارەگەی حکومەت کردن و وە ناڕەوا ناوی بردن کە داوا لەلیان کرێد شوینەیل ئیسەیان وەجی بیلن.
چالاک عەبدوڵا نوێنەر خاوەن ئاژەڵەیل ئەرا پەیامنێر ئاژانس شەفەق نیوز ئاشکەرایکرد، ئەوان ماوەی چەندین ساڵە لەێ شوینە کارکەن شارەوانی سلێمانی وە خۆرایی وەپیان دایەسێ.
دیاریکرد، ئەوان ئاگادارکردنەوەیگ وەپیان رەسیە وەلایەن لایەنەیل دیاریکریاگ کە لەماوەی هەفتەیگ شوینەگە چووڵ بکەن، وەگەردیا بەڵین دان وە گواستنەوەیان ئەرا شوینیگ جیگرەوە وەرانوەر وە 10 ملیۆن دینار ئەرا هەر 200 مەتر چوارگووشە.
عەبدوڵا دووپاتکرد، بڕیاڕەگە وە ناڕەوا دانرێد وەرانوەر وە هەزاران کەس کە لێرە کارکەن، داوا لە حکومەت هەرێم کوردستان کەیمنو پارێزگار سلێمانی دەستێوەردان بکەن وە قەرەبووکردنەوەی گونجیایگ ک تا دەسمیەتیان بدەێد لە پەیاکردن جیگەیگ شوینگرەوەی گونجیایگ.
