خانه‌قين له شه‌ويگ خويناوى.. په‌لاماريگ تيرۆريستى ئاواييگ كورده‌يل كاكه‌يى كرده ئامانج
2020-06-14T10:42:09+00:00
شه‌فه‌ق نيوز/ سه‌رچه‌وه‌يگ ئه‌منى له دياله، ئاشكراى ئه‌وه كرد ريكخرياگ داعش په‌لامار ئاواييگ داگه له باكوور خانه‌قين و بويه‌سه هووكار شه‌هيدبوين شه‌ش كارمه‌ند ئه‌منى و زه‌خمداربوين شماره‌يگ تر.
سه‌رچه‌وه‌گه ئه‌را ئاژانس شه‌فه‌ق نيوز وت: دويه‌شه‌و ريكخرياگ داعش په‌لاماريگ تيرۆريستى ئه‌را بان ئاوايى مێخاس سه‌ر وه كورده‌يل كاكه‌يى ئه‌نجام داگه‌و له ئه‌نجام ئه‌و په‌لاماره 3 كارمه‌ند پۆليس و دو سه‌رباز و دو كارمه‌ند تر له پۆليس گه‌رميان شه‌هيد بوينه‌و چوار كه‌سيش زه‌خمدار بوينه.
سه‌رچه‌وه‌گه هه‌ميش وت: هيزه‌يل ئه‌منى ره‌سينه‌سه شوون رويداگه‌گه و ده‌سڵاته‌يل ئه‌منى په‌يجوورى ئه‌را ده‌رخستن هووكار ئه‌و په‌لامار تيرۆريستيه واز كردنه‌و گه‌ردنه شوون په‌لامارده‌ره‌يل.
